கிறிஸ்து மீண்டும் எப்போது வருவார்? பல சந்ததிகளாக இந்தக் கேள்வி கேட்கப்பட்டுக் கொண்டே வருகிறது. அவர் வருகிறார் என்ற நிச்சயம், கிறிஸ்தவன் செய்கிற ஒவ்வொரு காரியத்திற்கும், பின்னணியை அளிக்கிறது. அவர் எப்போது வருவார் என்ற திட்டமான நேரத்தை, கிறிஸ்து வெளியிடவில்லை. ஆனால் அவர் வருகைக்கான
அடையாளங்களை நாம் எதிர்நோக்கியிருக்க வேண்டும் என்று அவர் நம்மிடம் கூறியிருக்கிறார். அவர் வரப்போகிற நேரம் தெளிவற்றதாக இருக்கிறது; அவர் வருகிறார் என்ற உண்மை நிச்சயமாய் இருக்கிறது.
சில நிகழ்ச்சிகள் அவர் வருகிறார் என்ற துரிதத்தன்மையை, அடையாளப்படுத்தும் என்று இயேசு கூறினார். அங்கே யுத்தங்கள் நடக்கும், யுத்தங்களை குறித்த வதந்திகளும் வரும்; அங்கே பஞ்சமும் பூமியதிர்ச்சிகளும் வரும்; கிறிஸ்துவுக்காக கிறிஸ்தவர்கள் சித்திரவதையை அனுபவிப்பார்கள். கள்ளப் போதகர்கள் வந்து கிறிஸ்துவுக்கு மாறான போதனைகளைப் போதித்து பலரை அழிவுக்கு வழிநடத்துவார்கள்; மக்கள் தங்களுடைய கண்களுக்கு எவை சரியாக தோன்றுகிறதோ, அவற்றைச் செய்வதன் மூலம், சட்டங்கள் மீறப்படும். அதிகாரத்திலிருப்பவர்கள் குற்றங்களை கட்டுப்படுத்த முடியாதவர்களாவார்கள். அக்கிரமம் மிகுதியாவதனால் மக்கள் பயத்திற்குள்ளாவார்கள், அநேகருடைய அன்பு தணிந்து போகும் (மத்தேயு 24 :6 -12).
கடைசி காலத்தில் இப்படிப்பட்ட அடையாளங்கள் வேதனைகளின் ஆரம்பமாக இருக்கும் என்று இயேசு கூறினார். குழந்தைப் பிறப்பின் வேதனை சிறிது நேர இடைவெளிகளோடு வரும். இந்த வேதனை மிகக் கடுமையானதாகும். யுத்தத்தினாலும், பஞ்சத்தினாலும், கள்ளப்போதகர்களாலும் இந்தக் காலங்கள் நிறைந்திருப்பதால் அவருடைய வருகை உடனடியாக இருக்கும் என்பது இதன் அர்த்தமல்ல என்று இயேசு கூறினார். இந்த நிகழ்வுகளெல்லாம் வெறும் ஆரம்பமே என்று அவர் கூறினார். யுத்தங்கள், பூமியதிர்ச்சிகள் மற்றும் அக்கிரமங்கள் அதிகமாவதோடு இவை அடிக்கடியும் நிகழும், இறுதியாக கிறிஸ்துவின் வருகை ஒவ்வொன்றையும் முடிவுக்கு கொண்டு வரும் என்றும் அவர் கூறினார். யுத்தங்கள், பஞ்சங்கள் மற்றும் மானிட சிக்கல்கள், அனைத்தும் தீவிரமாவதோடு, அவை பல இடங்களிலும் பரவும். இயேசு பேசிய அனைத்தும் முன்னாட்களில் எப்போதும் இராத அளவுக்கு இப்போது அதிகமாகவும், தீவிரமாகவும் ஆகியிருப்பதை நாட்கள் காட்டிக் கொண்டிருக்கின்றன. இயேசுவின் வருகைக்காக கிறிஸ்தவர்கள் ஆயத்தமாக இருக்க வேண்டிய ஒரு காலம் இருக்குமானால், அது இன்றைய நாளாகவே இருக்கும்.
"இவைகளெல்லாம் வேதனைகளுக்கு ஆரம்பம்." (மத்தேயு 24:8)
